胡定欣昨日到新城電台接受薛家燕的《開心大派對》訪問，細說入行及跟幾位好姊妹組成的「胡說八道會」的趣事。胡定欣表示一班好姊妹有意舉行音樂會，大前提要趕在胡杏兒生小朋友之前，並且因大家各有各忙，最快也要下半年才成事，她笑說：「要同杏兒講定，佢哋個BB要等騷期完咗先生得，大家傾起呢個問題都好開心。」大後日舉行渣打馬拉松賽事，胡定欣將與黃智雯、姚子羚、胡蓓蔚等一同參加10公里賽，她說：「我哋想一齊衝線，已經特別提醒平時好少練跑嘅智雯，個賽事係有時限，唔好到時要坐大會巴士返終點。」採訪、攝影：馬建華