創新科技肯定係呢份施政報告重點，一講到創新科技嘢，CY都好似講到頭頭是道咁，但查實CY對科技、互聯網有幾大認識？一條問題可以露底，皆因佢喺晚上嘅傳媒聯合施政論壇，俾記者即場成功「偷襲」，揭發佢原來唔多識網絡世界，但仲要死撐喎！
話說喺論壇最後一節，now新聞台記者戴祖而問到CY科技嘢（圖），開初就話歡迎佢加入開facebook嘅行列，隨即問佢知唔知乜叫「洗版」，CY諗都唔諗就答知喎。記者當然追問：「（洗版）係乜？」CY即時啞咗，dead air幾秒後，記者自行解答，話洗版即係同一個po有好多人傳閱，而最終CY呢件辳事亦喺fb「洗版」咯。