67歲嘅前意大利國家隊教練納比，近日透露自己已經準備好出山；雖然佢2014年離開廣州恒大嗰陣話以後只會考慮執教國家隊，不過最近佢又改口風，話只要有啱心水嘅邀請，佢就會隨時再執教鞭。
呢番言論一出，即刻令人聯想到佢會去教AC米蘭或啱啱炒咗魯迪加西亞嘅羅馬；而最近炒咗佩連嘅國足，都有機會開一份肥約畀佢，不過國足近年戰績唔掂，連班後生表現都係麻麻，國奧隊（白衫）喺周二U23亞洲盃A組首戰，雖然有廖力生喺43分鐘先開紀錄，但最終都係以1:3反輸畀東道主卡塔爾U23。
