【本報訊】《版權（修訂）條例》草案陷入膠着狀態，商務及經濟發展局局長蘇錦樑昨聯同版權大聯盟，與有份提出修正案的公民黨郭榮鏗會面，惟雙方未有達成共識。郭會後引述大聯盟稱，就算他的修訂不會影響版權持有人利益，大聯盟仍企硬反對，郭批評蘇錦樑「企喺大聯盟嗰邊」；而蘇反駁不想草案遭脅持，「唔想因為粒糖，失咗間廠」。
蘇錦樑被轟偏幫業界
蘇錦樑昨早與大聯盟及郭榮鏗會面約一個小時，郭於會後對未能說服大聯盟接受其修正案感遺憾，形容大聯盟態度強硬，指大聯盟承認「可能我個修正案都唔會影響佢哋，不過佢哋仍然都係企硬，如果我個修正案過咗，佢哋寧願成個草案唔要」。他又不滿蘇錦樑「企喺大聯盟嗰邊」，不斷游說他放棄其修正案。
蘇錦樑昨傍晚出席一個活動前強調，自己「唔係偏幫邊一方面」，他純粹以法律觀點去解釋郭的修正案，又指郭的修正案連美國都沒有實行，重申當局會在通過草案後，於下一輪諮詢再討論，強調草案已為一些網民行為如戲仿提供豁免，不想草案被網上用途「脅持咗」，「唔想因為粒糖，失咗間廠」，並指摘拉布浪費了很多議會時間，議員應盡責辯論草案。
蘇回應記者提問後再安排數名版權業界見記者，版權大聯盟秘書何偉雄趁機批評，有個別激進議員以拉布、流會方式令會議不能繼續，「做一啲政治綁架，呢啲就係唔理性」，又否認大聯盟一步不讓，「我哋經已企喺個火山口度，現時係退無可退」。
另外，同樣有提出修正案的何秀蘭和陳志全，準備今午與蘇錦樑及大聯盟會面。何質疑蘇的約見只是「做大龍鳳」，若當局有心收窄雙方分歧，何不促成網民與支持草案的議員會面。
■記者呂浩然