被視為建制派智囊組織嘅大舜政策研究中心，早排發表咗研究報告，大談土地供應。為咗配合呢個報告，佢哋本月尾會搞「香港2040願景－優化土地供應、改善住房條件」嘅論壇，出席人士除咗大舜基金主席何鍾泰，仲有發展局局長陳茂波，八方更發現一名講者好特別。
講者名單有施永青等唔出奇，就算請埋成日批評政府土地政策嘅中大地理學者姚松炎，八方仲可以理解，但名單入面竟然有國師陳雲，八方就好奇怪，事關國師研究文化同中文，土地房屋關佢乜事？身為嶺大中文系副教授嘅國師唯一同土地有關嘅研究，只有佢提出嘅《城邦論》，莫非大舜基金受國師感召，真係叫佢講華夏喺香港城邦建國嘅土地問題？