本港會計界真係有好多女強人，好似2013年香港會計師公會就有首位女會長趙麗娟，今屆會長張頴嫻，又係女性，而且係本地薑，從小讀著名女校協恩、理工大學畢業後進入畢馬威至今。另一間四大會計師行──安永香港及澳門地區主管合夥人陳瑞娟，新近亦獲頒「2015中國十大傑出女企業家獎」。
呢個獎由中港台與澳門7個企業與婦女組織合辦，包括香港中華總商會婦女委員會。得獎嘅陳瑞娟擁有超過30年稅務諮詢服務經驗，專長包括為IPO進行稅務審核，區域與跨境稅務籌劃，企業重組等。
佢自2009年起，出任安永香港及澳門地區的主管合夥人，係大中華區唯一嘅女性區域主管，目前帶領2,400人嘅團隊。