如果要數香港嘅冰球（ice hockey）好手，唔少人會諗起合和集團主席胡應湘之子胡文新Thomas；身兼香港業餘冰球會主席嘅佢，噚晚同馬會慈善項目主管陳淑慧及民政事務局局長劉江華一齊出席「賽馬會冰球新世代發展計劃」啟動禮，兼主持開球儀式。
呢個本月展開嘅計劃，由馬會慈善信託基金撥捐470萬港元，同香港業餘冰球會合作推行，想喺3年內為180名13至18歲、具備基本冰球技術嘅青少年，提供每年9個月嘅重點培訓，包括每個月兩至三次嘅訓練或比賽，以便提升球技，並每兩個月舉辦球例講座，令學員對賽制加深認識。
Thomas不愧為專家，據聞佢喺現場同學員講解ice hockey stick嘅長度同弧度嘅重要性；唔識hockey嘅劉江華則喺旁邊學嘢。