禮拜三谷草賽事用B跑道，睇番最近12月16日同一移欄賽事，中內檔馬佔盡優勢，由一至七檔包辦所有頭馬，八檔或以外嘅馬僅獲四席位置，揀W宜向中內檔馬埋手。跑法方面，後追馬唔算蝕底，不過最緊要係能夠在彎位守於內叠慳位，如「好運有利」、「根深柢固」及「騰煌」俱如此跑法下後上建功。今戰列陣馬中，四場「奄尖大少」上仗正是於12月16日谷B欄賽事重開勝門，老馬勝後等番同一移欄再上陣，擺明唔想浪費體力，抽得三檔有力爭取連勝。另外，尾場「金筷子」兩戰谷B欄獲一冠一亞，復爭強項隨時可以回復表現。