工聯會撐一人一票選……新聞。取消強積金對沖無影、標準工時立法又傾唔掂數，亞視欠薪且DSC德爾斯全線結業，舊年唔少新聞都同打工仔有關，工聯會首次搞「2015十大勞工新聞選舉」，選出30則勞工新聞，如國泰工會同公立醫院醫生靜坐抗議爭取合理待遇等。該會立法會議員郭偉強（圖）同傳媒茶敍時話，希望透過選舉，教育多啲打工仔關心同維護勞權。
上屆循勞工界功能組別當選嘅郭偉強，盛傳年底轉戰直選，佢話仍努力中，「年輕人係要磨練嘅」；至於出選九龍西定港島區？係咪區區都留低腳毛？佢好含蓄咁話，係區區都留下足迹箒，最終由工聯會決定。市民可以即日起至下月5日登入網站投票： http://goo.gl/forms/xgqzfaeeoh 。