【為了股東】
自2013年港視（1137）不獲政府發免費電視牌，王維基曾多次高調批評政府，直指無牌因為「一男子」因素，但他昨日一改常態，突然大轉口風，「我諗作為一個生意人，我唔再方便去評論任何政治」。
記者只是問他如何看紅色資本不斷滲入本地媒體，誰知王維基馬上封口，「我諗容許我哋有個生存空間的話，我要為我股東負責，我要為同事負責。我都係唔再方便去評論任何關於香港嘅政治」。多次追問封口原因，王維基只笑言「窮不與富鬥，富不與官爭」，又強調無受任何壓力，亦無中間人傳話。
「可能係最老嘅高登佬」王維基過去曾以真名在高登貼文，對支持港視的網民致謝，曾直斥「究竟香港係法律大、政策大，定係特首最大」，前年雨傘運動爆發，王維基曾勉勵在金鐘的同學要「要對理想有堅持」。