立法會新界東補選陷入大混戰，民建聯參選人周浩鼎周日因為出席烏溪沙村嘅盆菜宴，被對手方國珊舉報賄選惹嚟一身蟻！新民黨主席葉劉淑儀都有出席活動，但冇派黨員出戰梗係冇事，難怪風騷喺fb講番呢場盛宴。
葉劉話係應烏溪沙村村長廖觀輝邀請出席烏溪沙村居民周年盆菜宴，話現場仲安排兩頭醒獅同麒麟助興，大晒同麒麟合照。咦，帶住周浩鼎出席盆菜宴嘅民建聯葛珮帆EQ，話過葉劉被麒麟撞係企錯位噃……諗番呢件事，八方覺得葉劉呢篇文特別有意思。葉劉仲帶住有「桂綸鎂」之稱嘅大律師容海恩Eunice赴會，盛傳佢有意推Eunice年底新東出戰，Eunice仲上台獻唱，唔知有冇分加？