提起前新聞主播方健儀Akina，大家應該諗起口才好兼有台型，但原來Akina細細個係內向怕醜妹，非常沉默寡言，同𠵱家淡定有錢剩完全唔同㗎！
Akina同八方講，第一日返幼稚園，佢喊到七彩，俾家姐都話佢係扮嘢！雖則唔多鍾意講嘢，但Akina卻對才藝表演等非常like，好似其中一張相咁，佢就扮印第安人跳舞娛賓，仲要係冇着衫好香艷！
虎媽唔畀學琴好傷心
原來方媽媽係上一代虎媽，Akina幾歲人仔已經學好多嘢，包括芭蕾舞、土風舞同畫畫等等。點知升咗上小學，媽媽要求佢學業為重，唔畀佢參加咁多興趣班，有次佢唔知邊科考試成績退步咗（但只係90分跌到80零分咋！），媽媽即刻唔畀佢學彈琴，自己傷心過一陣。