加利佬又衰咗喇。呢位前曼聯守將自從喺上個月接任華倫西亞主帥之後，喺西甲一直都未開到齋，到周日都未結束到頹勢，作客皇家蘇斯達以0:2落敗，上任之後五場聯賽只係得三和二負劣績。加利尼維利喺賽後話：「班波喺今仗真係踢得好差，遠低外界嘅期望，希望班球迷可以畀多啲時間。」加利佬亦表示唔打算喺一月增兵：「其實我哋陣容人腳唔差，相比起買新兵，對我嚟講更重要係點樣將𠵱家班球員發揮出最高水準。」