正所謂「人逢喜事精神爽」，就好似法甲球隊里昂咁，喺上星期六迎戰特魯瓦嗰場法甲，係佢哋個新球場（圖）嘅揭幕戰。結果，球隊果然清風送爽，仲憑住拿卡錫迪、拉治迪基素爾、佐敦費利同埋比奧維嘅入波，以4:1大勝。值得一提，里昂呢場波「讓球主客和」嘅[-1]「主勝」，由初盤嘅1.98倍到臨場嘅1.85倍，佢哋今次大勝，絕對係皆大歡喜。