衰波鬥衰波，結果就係和波。羅馬同埋AC米蘭前晚喺意甲碰頭，由於大家都好唔掂，所以羅馬教練魯迪加西亞同埋AC教練米赫洛域輸嗰個隨時落鑊被炒。有托迪復出兼主場之利嘅羅馬，開波四分鐘就由魯迪格先開紀錄，但古卡喺換邊後五分鐘就幫AC追和1:1完場。各得一分，大家都唔使輸，但羅馬近七場聯賽一勝五和一負，AC近八場聯賽兩勝四和兩負，最終可能係魯迪加西亞及米赫洛域齊齊烏紗不保，攬炒收場。