前財爺梁錦松日前力撐學校用普通話授中文，曾經獲「香港中文文學雙年獎」、於浸會大學語文中心擔任副教授多年嘅胡燕青就公開質疑阿松之說。佢喺fb貼文話自己30年教學經驗發現，學生中寫作最好嘅「絕不輪到普通話學生」，反駁學好廣東話並不妨礙學習好中文，「廣東話是國寶，你要從教學語言中將之清除，你若非無知，就是掉以輕心了」。佢仲反問阿松有冇睇過文學雙年獎同大學文學獎嘅作品：「你數得出多少個用普通話上中小學的人？當大陸來的學生越來越多，大學文學獎的得獎者，大多仍是本土學生。」