【中環】鋼琴大師劉詩昆的女友、鋼琴公主孫穎一向投資有道，日前被發現與女友人現身中環ifc，她們沿途狀甚雀躍。一行人行到四季酒店的一家珠寶店，已有品牌高層在門外迎接，沒多久店員就拿出一隻名錶給孫穎佩戴，見她對名錶愛不釋手，更與友人自拍又開香檳慶祝，似乎是買得心頭好。
一行人在店內逗留了近一小時，其間孫穎更試戴了一粒巨型黃鑽戒指，但最後未有出手。記者致電孫穎了解，原來她以約700萬買下珠寶腕錶品牌Chopard最頂級的陀飛輪，當作獎勵自己的禮物，她在電話中說：「呢隻陀飛輪我鍾意咗好耐，佢全球限量25隻，𠵱家全世界得番呢隻，個號碼係16號，今年2016年，好有意思，好開心，買嚟保值。」問到腕錶的售價？她笑說：「兩層第一城，600幾700萬，我對物件有感情，呢隻錶市面上唔會有，好有收藏價值，或者之後可以拍賣做慈善。」她續說：「見到呢隻錶我就好有衝動，年紀邁向大一歲，有時定目標，係對自己有工作嘅動力。」
黃鑽戒睇錯價
提到對店內一隻巨型黃鑽戒指愛不釋手，孫穎指會留待男友劉詩昆出手，她笑說：「老師比我更感性，佢睇最貴最靚嘅嘢，有藝術家嘅特性。以前喺展覽都見過，但係睇少咗個零，以為500萬，點知原來係5,000萬，呢個任務留畀老師。」
採訪、攝影：栐仁
