隔牆有耳：
警學堂開放　「公安」都參觀 - 李八方

2006年成立嘅香港警察學院噚日舉行開放日，警方話約7,000名市民參加，節目包括特別任務連（飛虎隊）、警隊護送組、警隊步操、警犬隊和警察樂隊嘅示範表演同演出，同場仲有警隊特別車輛展示區同約50個由警察單位、藝術屬會同體育屬會設立，唔同主題嘅展覽同遊戲攤位；其他如雷射槍射擊、沿繩下降同攀爬體驗等當然唔少得。 八方則見到有市民戴住疑似仿製嘅內地公安警帽（圖）進場，到底有乜特別意思？

院長劉保祿話呢次係學院成立以嚟首次舉辦開放日，旨在推動社群參與，等大家更了解警隊。問到警隊流失情況，佢似乎有啲迴避，話每年有增有減，今年度較上年度估計相差約10%。至於李波事件佢就唔評論，只稱中港兩地警隊有定期交流。