天氣凍凍哋，如果來點街邊小食，真是冇得頂！肥通行過深水埗時，竟然發現$15磅生炒栗子、$5串咖喱魚蛋、$8件炭燒雞蛋仔，這是時光倒流了嗎？看真一點，原來是微影的1/35 Hong Kong Street Food Cartful Street Diorama剛推出了！
微影這個香港系列，其實相當聞名，早前推出的雪糕車、紅/綠Van，就算唔係車仔迷，都會買上一兩架，高興一番！今次全新推出的「車仔檔系列」，我覺得更吸引！分別有栗子蕃薯檔、炭燒雞蛋仔檔及咖喱魚蛋檔（每款$75），全部以鐵皮車仔製作。留意點是車仔檔的底盤位，全部使用手推車式設計，記憶中這是七、八十年代的街邊檔特色，現在的香港，真係非常難尋了。
如果真心想買，記者提醒大家，其實同步推出還有一個香港街景地台（$170），格局非常有香港特色；隨地台送的LED路燈，還有USB取電補光的功能，將三台流動小販車放入其中，重那光影的真實感覺，真係非常正！不過稍為可惜的是，地台使用砌磚地設計，如果是早年的石屎地，再畫上一圈圈的咖喱汁，感覺會更真實。
查詢：
福利模型（深水埗元洲街66A地下）
記者、攝影：朱崇德