陳慧琳（Kelly）、鄭欣宜和吳若希（Jinny）等前晚在將軍澳出席活動，剛剛開完演唱會的Kelly，她笑稱終於可以不再忍口，她說：「我想食鹹水角、春卷、油炸鬼、炸兩，乜都要炸！但係我仲未可以休息，仲有啲唱片宣傳做，我兩個仔已經習慣我唔喺佢身邊。」
鄭欣宜透露打算用自己的積蓄投資做食品生意，她說︰「呢個決定真係令我覺得好大壓力，簽支票嗰陣隻手都震埋，雖然乜嘢都係自己去做，但係忙得好開心，我預計農曆年推出。」Jinny日前在fb貼了一段被詐騙電話騷擾的片段，她說：「我已經接過好多次電話，次次打嚟都話係速遞公司，我聽咗一次知道係詐騙電話，所以我唔會上當。」
撰文：唐琛悠