郭富城、羅仲謙和導演鄭保瑞昨日在屯門出席電影《西遊記之孫悟空三打白骨精》的活動，現場設有一個1:1由城城扮演的孫悟空蠟像，城城被問到會否覺得蠟像不似自己，他笑說：「我都唔係好認得自己，但係唔緊要，最緊要係大家睇戲睇得開心。」電影稍後會在北京首映，城城表示希望屆時帶媽咪出席，問到會否邀請其他人？他說：「其他私人嘢唔講。」城城表示今年農曆年亦會在上海度過，再問會否邀請媽咪到上海過年，他又說：「唔好講呢啲喇，我知大家關心我，希望大家專注我工作上，呢套戲係入行以嚟最辛苦，希望有好迴響，票房成績百花齊放。」
羅仲謙再被追問婚事，他說：「到咗我呢個年紀，好多嘢喺個腦計劃，合適時間會行動，總之結婚一定會講，我都希望得到大家祝福。」他又謂今年會帶楊怡回圍村拜年。
採訪：譚倩宜
攝影：陳順禎
