英足盃第三圈，利物浦差啲出局！紅軍上周五作客英乙埃克塞特，門將阿當保丹（小圖）又出醜，被對手角球直接彎入。好在，利物浦先後靠謝路美冼佳亞同巴特史密夫追平，踢成2:2要重賽。埃克塞特當然開心，喺晏菲路踢多場，佢哋可以袋多70萬鎊（約790萬港元）。埃克塞特主場細，設施簡陋，紅軍主帥高路普要喺茶水間做訪問，啲阿姐仲喺旁邊望實，場面搞笑。