同日另一場NBA常規賽，湖人雖然有L威廉士（Lou Williams、右）轟入職業生涯新高44分，但最終都係以113:117不敵雷霆，慘吞三連敗。其實湖人今場都有機會贏㗎，當佢哋喺最後三秒仲落後兩分嗰陣，竟然唔係由今場手風極順嘅L威廉士執行最後一擊，反而由得拜恩（Kobe Bryant）夾硬上籃，搞到錯失扳平嘅機會。不過威廉士都唔敢向呢位當家球星表示不滿，佢喺賽後話：「邊個執行最後一擊都冇所謂，全隊都想幫球隊贏波。」