今年Boxing Day大家可能唔會再睇到長達幾粒鐘、大派160個獎嘅「新城勁爆頒獎禮」？
近日大氣電波瀰漫一片愁緒，先有商台嘅俞琤辭職、新城台長朱明銳宣佈「退休」後，新城前日再有大裁員。節目主持人連辦公室文員，合共30人收「大信封」，連星級主持家燕姐、林盛斌（Bob）同范振鋒都由全職轉為兼職。
昨日有報道指新城舊年全年營業額，因仲差一成先達到管理層要求嘅3億，所以為縮減開支同改革，決定縮減人手。報道仲話據知情人士指，新城未來嘅方針會行純資訊路線，所以一直被指派獎嘅「新城勁爆頒獎禮」，分分鐘成為絕響。