究竟賣中藥同賣家品有冇得crossover？日本城新舵手莊少匡（Andrew）可能畀到答案。日本城母公司國際家居零售（1373）噚日公佈，委任做過位元堂藥廠董事嘅莊少匡做首席執行官（CEO），前CEO劉栢輝就會退任只做主席，即日生效。
莊少匡今年46歲，通告講佢1993年喺加拿大University of Manitoba取得商業學學士學位，喺本地與國際知名企業擁有逾20年管理經驗；轉戰日本城前，Andrew係位元堂（897）旗下位元堂藥廠董事，負責中港與海外整體中藥業務，再之前就喺牛奶公司旗下7-11做咗5年，離職時係採購董事。
上市後一直兼任主席同CEO嘅劉栢輝，將會留任董事會主席同執董，通告話，主席與CEO分開，企業管治可以更加規範咁話。