法國《隊報》周三報道杜奧巴決定同美職聯球隊蒙特利爾衝擊解約並宣佈掛靴，然後返車路士做助教，協助軒迪克重建球隊；但呢位37歲象國傳奇前鋒隨即否認有關報道：「我仲未宣佈退休㗎，家陣仲同衝擊傾緊前途問題。」「魔獸」舊年七月同衝擊簽約18個月，上陣14場入12球，表現真係超勁，衝擊當然唔想佢走啦。雖然雙方仲有一年合約，但衝擊坦言𠵱家唔到佢哋話事；知情人士表示如果杜奧巴去意已決，衝擊亦會成人之美，願意放杜奧巴返車仔展開教練生涯。