A股插到反艇，反映大家對人民幣失去信心，至於效應有幾大？睇完五個要點就明。
第一，人民幣今日嘅低位，就係聽日嘅高位，今日掟人民幣換美金，永遠着數過聽日先換，所以係走得快、好世界。
第二，對於高官、富豪嚟講，人民幣最主要係靠關係賺番嚟，勞力、腦筋係其次，正正係賺來不辛苦，即使不問價沽人仔兌美元，班友都係人生贏家，所以唔會吝嗇，一於不問價掟人仔。
第三，習、江兩派內鬥，官員、富豪們更加覺得今日唔知聽日事，加速逃亡意欲，以分散投資，減一半人民幣，揸番啲美金、歐元，他朝喺大陸出咗事都有揸拿。
第四，內地政策以至金融體系透明度低，領導班子太難摸底；至於投資者經過去年7月救市後，更加唔知中央會點樣搞亂個市，各自失方寸，結果又係能走資、便走資。
第五，以往重倉人民幣嘅人，唔少係盲信「世界是中國的」，呢一刻信心破滅，自然變成盲目地不信中央，領導班子講乜改革、救市都冇人想聽。
中央面對嘅困難，就係咁大，要A股止跌，首先要設法令人民幣滙價回升，冇得唔得，唔得就爆煲吧。關於噚日講熊市尋寶嘅故事，先賣關子，之後慢慢講。
晉佳
https://www.facebook.com/advanceguy1/