日本成人雜誌《ASAHI藝能》公佈2016年「最誘人身段女星」排行榜，是計算身材、人氣、知名度，加埋編輯嘅胃口選出，佔前10名不乏新進女星、水着偶像、運動員同埋主播等。結果由身材出眾嘅模特兒久松郁實成功稱冠，打敗一眾對手，成為新一代咪神。
下月滿20歲嘅上位索女久松郁實，去年以肉感迅速上位，唔止深受宅男歡迎，仲做埋暢銷時裝書《CanCam》嘅專屬Model，真係男女通殺。擁有D cup上圍嘅久松郁實三圍係33、23、34，由於身材均勻加上青春搭夠，所以當選都唔算意外。至於亞軍就係新一代艷星橋本愛實，被指係壇蜜接班人嘅佢，以34、24、35嘅三圍，冧得唔少麻甩阿叔。排季冠嘅都唔惹少，就係擁有I cup巨乳嘅假面女子舊成員天木純，單睇佢37、22、33嘅三圍已經夠晒理由進佔三甲！