禮拜六沙田七草三泥賽事，草地用C跑道。睇番最近11月29日同一移欄賽事，共有七匹頭馬守前四位入直路建功，而放頭馬全日更拎到兩勝四位一殿佳績，可見形勢利放唔利追，留得太後好蝕底。
今戰列陣馬中，三場「寶貝王」曾兩勝田C欄，亦係全場唯一贏過此移欄之參戰馬，均速前置跑法結合跑道形勢捧得過。另外，尾場「豈等閒」三次角逐田C欄獲一勝兩位未失三甲，復爭強項可食尾糊。
至於三場泥地均跑1650米，最近一次禮拜六跑泥地係12月19日，當日三匹頭馬「創出商機」、「心花怒放」及「縱橫大地」都係在入直路時已進佔前兩位，故此二場「天狼星」、五場「皇龍大師」及八場「大把世界」等擅跑泥地之前置馬可優先留意。