帝王嘅控衞朗度（Rajon Rondo）雖然因傷缺陣周二作客小馬嘅常規賽，但原來呢個倒戈兵真係勁冇球品，冇得落場比賽都要搵機會害吓舊東家。話說朗度喺第二節加時尾段，見迪朗威廉士（Deron Williams）喺邊線附近接到波預備過人嗰陣，佢竟然鬼鬼祟祟咁踢落迪朗隻重心腳嘅腳踝（紅圈）！係人都知迪朗嘅腳踝受過重傷，都唔知朗度係咪唔抵得迪朗喺小馬嘅表現好過自己，所以就想踢到佢再傷過。