咪以為球星一定自己揸車而唔用公共交通工具，英國有粉絲就喺周三嘅繁忙時間，喺倫敦嘅火車車廂內野生捕獲現年33歲嘅阿仙奴龍門施治（箭嘴示）。欖球頭盔同埋一對大手套係施治平時喺球場上嘅標記，球場以外佢梗係唔會咁着啦；周三佢就趁阿仙奴冇比賽，就喺倫敦四圍行吓，由於佢着得都幾斯文同埋戴咗一副無框眼鏡，所以驟眼睇同一般倫敦市民冇乜分別；不過呢個粉絲非常厲害，一眼就認出呢個斯文四眼男係英超球星，仲要係大名鼎鼎嘅捷克鋼門施治㖭！