高鐵馬主席：「個個學李波，採取了自己的方式往返內地，咁就不必一地兩檢，西九直行直過，48分鐘直通廣州，一定掂！袁司長，無搞咁多事！」
上海佬：「呢輪洗頭艇紅到爆，隻隻爆！亮星哥有意泊住上入股，搞旺呢檔『李波特快通道』生意。我就快發過豬頭丙，真係好正！好靚！」
保安局長：「冇消息！我呢排靜到拍烏蠅，只有一條書局友打過電話給我，叫我報警拉記者。」
林鄭：「我也想知道，李波採取了自己的方式，是不是，在大陸公安部門留了位？坐長枱？」
吳掂局長：「銅鑼灣書店，呢，禁書呢，我無睇過，我只會揀旅遊書，睇三十本，本本講日本食放題，睇極都唔厭。日本的番茄汁都好正，李波先生，點解唔採用自己方式，去東京呢？」
田不辰：「就算威嚇之下被挾持返內地，都是自願。所以李老闆就算被上吊，都是自願，李旺陽就是樣辦。不過李旺陽冇叫到雞……實屬不幸！」
淨身BB：「姓李的絕對無可能返到內地，我早已經舉報了他！成件事都是泛民搞出來的騙局！」