今年冬天特別多雨潮濕，衣物易有異味，阿媽教落於衣櫃中放肥皂有助去異味，但懶人多數臨急抱佛腳，隨便噴兩下香水就算數。濃烈香水夾異味，或會更壞事，可試自製平價衣物清新劑，材料簡單又有效。其中最簡單就是梳打粉衣物清新劑，材料只有柔順劑、梳打粉及水，倒入噴壺搖匀即可。梳打粉可強力去油污、除濕，更可去除難聞異味，柔順劑帶淡淡爽身粉香，噴完掛起約五分鐘後，即有剛於洗衣機拿出的清爽感覺。
另一款伏特加衣物清新劑則可攜帶出外，材料只有伏特加、香薰油及水，
將材料倒入小形噴壺，搖匀即可。伏特加比消毒酒精味淡，帶優雅淡香，同樣有殺菌功效，亦可去除油煙味，配合自選香薰油，出外食飯如食完韓燒後用就最適合。春節年關亦快到，自製衣物清新劑不但方便，更可用家中已有材料，既環保又可省下一筆可觀費用。
記者：楊麗珊
攝影：鄧鴻欣
資源來源：popsugar