岑潔儀（Zoey）於12年嫁給大馬富商，去年生了一個得意B仔Dixon，可謂一帆風順，曾被指言論炫富引起網民不滿，不過她一於少理，最近她推出自家設計鑽飾品牌「Z02」，第一炮投資過百萬推出猴年鑽飾系列，昨日Zoey接受電話訪問說：「老公好support我，好開心，今年推出猴，來年係猴年，我對馬騮仔情有獨鍾，咁啱我老公又係屬猴，我個小朋友又成隻馬騮仔唔停。」
對於被封「炫富天后」，Zoey說：「我都冇睇呢啲，我都係做番自己鍾意做嘅嘢，呢個係我兒時夢想，老公好支持我，所有首飾出嚟得到大家讚賞，同行覺得好，我老公覺得好，反應好，very good！」
採訪：非非