27歲嘅愛爾蘭拳王麥基格，上個月喺賭城舉行嘅UFC194羽量級拳王戰，用咗13秒就將巴西嘅艾度打低之後，就不斷話要「升呢」去挑戰輕量級嘅比賽；但係佢又唔想放棄啱啱贏到手嘅羽量級金腰帶，反而想成為首位雄霸呢兩個級別金腰帶嘅拳王。UFC總監韋特就話：「麥基格係個言出必行嘅人，佢話想擸埋輕量級嘅金腰帶，我覺得佢真係做到㗎。」另外，麥基格日前upload咗一張蒙面舉槍相喺instagram度，喺呢個動盪時期，咁做就似乎唔係太好囉！