過去一年，對沖基金界認真一團糟，啲基金唔係勁蝕，就係執笠，據統計，對沖基金行業舊年1至11月嘅回報只得0.32%。不過，國際大鱷索羅斯（George Soros）嘅前首席投資總監Scott Bessent就無懼淡市，新成立規模高達45億美元（351億港元）嘅對沖基金。
Bessent舊年8月離開索羅斯基金管理，打算自立門戶，索羅斯打本20億美元畀佢創立Key Square，佢之後再搵到其他機構投資者答應今年3月前注資，令基金規模增至45億美元。
知情人士透露，呢班投資者同意將資金鎖定兩年半，好讓Bessent唔使擔心有投資者要求提早贖回，等佢可以喺市場上盡情搏殺。好體貼呀！