講到澳洲最具代表性嘅球員卡希爾，非效力上海申花嘅卡希爾莫屬。日前呢位36歲球員現身澳洲一間杜莎夫人蠟像館，為佢個人蠟像揭幕。卡希爾呢個蠟像揀咗佢入波後打角球旗嘅招牌慶祝動作，驟眼睇分唔到邊個係真人邊個係蠟像，強國嗰啲恐怖蠟像完全冇得比。對於有指卡希爾會去澳職踢波，𠵱家效力中超上海申花嘅佢就否認咗有關傳聞，但就話如果澳洲出線里約奧運，或者會去參加呢個四年一度嘅體壇盛事。