亞視永恒，應該可以捱到4月1日，但葉家寶選擇不再與亞視共存亡，問有沒有遺憾？他說：「當然有，我喺亞視前前後後有26年，自己堅持咗咁長時間，最後都係唔可以同啲員工一齊……真係有啲難過，但冇法子，因為真係唔可以再挑戰法律，唔能夠唔辭去執董職務。」
打份工打到惹上官非被控拖糧，但葉家寶並非老闆，只是負責「撲水」又做醜人兼人肉錄音機——如資金未到位等等。他直言受盡白眼：「當然係會有，同贊助或廣告商傾會有人問你：『點解仲會喺亞視，如果我係你，一早走咗喇！』、『點解你仲要喺一間睇唔到前景嘅機構去做，隨時唔知幾時關門嘅公司繼續做？』」好多時都要厚面皮，葉家寶續說：「開口問人哋攞錢係好難，當你強勢嘅時候，呢個世界錦上添花嘅人多，但雪中送炭嘅人就唔多。」有傳今屆亞姐可能因財困搞不成，他說：「我身為亞姐之父，當然希望亞姐能夠喺農曆新年前順利完成啦，但一切都要等資金到位。」