葉家寶是亞視八朝元老，連兼職共服務亞視26年間，家寶甚少放假，尤其王征不喜歡高層員工放假，他只能新年放兩、三天，他承認為工作，放棄了好多姻緣：「係㗎，之前失咗啲啦，我諗讀書都有，曾經有個同學互稱honey，出嚟做嘢就冇嘞，專心工作多。」他直言享受單身：「暫時我都係獨身主義者，𠵱家生活幾開心，我都60歲啦，自己一個人鍾意去邊就去邊，覺得好開心同自由，我唔知有個伴會唔會令自己有乜局限，我有好多朋友，所以唔會寂寞。」
維基有創意
問到哪個老闆最好時，葉家寶說：「林伯（林百欣）同邱生（邱德根）都係好老闆，好多人話邱生孤寒，其實佢係應花則花，佢拍劇都返內地取景。林伯好有人情味，同我哋食漢堡包，新年又去佢屋企拜年，好熱鬧。」最難頂老闆？他卻有所保留：「每個老闆都有佢性格，只係睇吓邊個要求高，我同個個老闆都相處OK。」如果亞視由王維基掌權，會否有新局面？他說：「佢之前喺亞視做CEO 12日，已經做咗好多改革，鍾意同各階層同事開會，夠創新多怪主意，可能電視台就係需要呢啲創新思維。」
品評老闆
葉家寶只談歷代老闆的好，而不談老闆的不是之處。
