人靚寧舍受歡迎，好似香港泳壇「美人魚」歐鎧淳，近一年做咗全職運動員後，吸引唔少商家，近日亦參與一個護膚廣告。23歲嘅淳淳以青春無敵靚樣，配合自己一把磁性嘅獨特聲線，着上比賽泳衣，好有睇頭，呢次仲係「美人魚」第一個電視廣告㖭！其實淳淳之前接過唔少平面廣告，有化妝品、隱形眼鏡、服裝品牌等，好似上個月推出嘅金飾平面廣告都好好睇，同場仲有門將葉鴻輝，但講到有聲有畫嘅電視廣告，今次都係第一次。