富二代出沒注意！百仕達（1168）宣佈委任大股東歐亞平個仔、年僅23歲嘅歐晉羿（Hugo）做非執董，年薪25萬元。
Hugo嘅package非同小可！佢擁有美國普林斯頓大學東亞研究學士學位；早於2010年起（即係得17、18歲），已經喺百仕達企劃發展部擔任投資經理，負責審查美國物業發展項目，仲會操埋盤，管理股票、債券、私募股權等投資事宜。家陣佢係紐約創投公司Thrive Capital投資團隊成員，公司在Instagram、Spotify等等都有投資。
講咁耐，大家應該最想知佢點樣。從facebook搵到一位讀普林斯頓嘅Hugo Ou，有張喺2014年影嘅合照，歐亞平旁邊嘅年輕人可能就係Hugo嘞。