自由黨同民建聯一家親？係真唔係呀？
區選中喺灣仔渣甸山當選嘅自由黨青年團副主席林偉文Anson，前晚同身兼灣仔區議會前主席嘅民建聯孫啟昌正式上契，擺咗六圍請嚟親朋好友見證重要時刻，喺fb圖文並茂報喜（圖）。
八方問過Anson同孫啟昌有乜淵源？原來佢哋只係相識咗四、五個月，但已經相逢恨晚！
Anson話爸爸早年已不在，遇上契爺後唔知點解好投契，不時摸住酒杯底訴心聲，最終由私下叫契爺變正式上契。
孫啟昌第一次收契仔，特別隆重其事，例如按傳統打咗金飯碗同金筷子做上契大禮，Anson送上銀包同皮帶做回禮。
Anson話契爺仲特別請嚟兩位老友記、楊受成同鍾樹根嚟分享喜悅時刻；佢則請嚟自由黨老友暢飲一番。