天文台噚日突然發出暴雨警告，唔少傳媒行家仍然冒雨去捧自由黨場，希望可以訪問出席該黨活動嘅政務司司長林鄭月娥同勞工及福利局局長張建宗。現場有消息指，話兩名官員活動後會受訪，咁八方同成班行家，諗住活動後可以扑咪，咪按自由黨安排，喺閉門環節舉行嘅會場嘅隔籬房靜心等候。點知自由黨畀記者重返活動場地之時，張建宗同林鄭竟然已經走咗，即時辣㷫唔少在場傳媒，紛紛搵自由黨同政府新聞處「算賬」，最終由自由黨方剛向傳媒耍冧，猛話唔好意思。