鍾麗淇、汪詩詩與周嘉玲等昨日於尖沙嘴出席護膚品牌La Prairie活動，鍾麗淇去年11月剛誕下二女Michela，昨日見她仍未收身成功，加上努力餵人奶，上圍明顯升cup，鍾麗淇說：「佢好crazy，每兩小時都要食，好開心佢食得咁好，𠵱家7周，有12磅，好似大隻佬，食得好開心。希望BB食人奶我可以快啲收身。」問到上圍升了多少cup？她笑說：「係，好大呀！我冇度，轉晒胸圍，正常嘅，我期望3月可以教番瑜伽，做啲上身少壓力就得。」
久未露面的周嘉玲剛與家人從泰國度假返港，曾任品牌市場公關的她，年多前回到舊公司任顧問：「同新一代溝通，令自己冇咁脫節，我仲學識玩Instagram。」
採訪：羅慧敏
攝影：陳俊強