2016年1月4日，對投資內地股票的投資者來說，是個應該用黑色筆記下的日子。A股引入熔斷機制首個交易日，滬深300指數跌7%，滬綜指及深成指亦挫6.9%及8.2%，一律「跳掣」停市；作為A股「逃生門」的港股，恒指跌幅即時擴大，最後連美股亦「頂唔順」，道指一度跌逾460點，非常驚嚇。
遇上中國「一開市就股災」，基金朋友在甫跌停市便致電密西比。
朋友說：「一開市就跌停市，從好嘅角度睇，即係等大家熟悉機制囉，但又咁講，話晒市底唔好，入市意欲唔高，手上貨又唔多，呢個時候停市，好過等個市熱烘烘嘅時候發生，起碼停咗都唔使咁心掛掛。」
會否影響日後投資A股或中資股取態？朋友「哈」三聲說：「食得鹹魚抵得渴，有得升嗰陣都要買㗎，但𠵱家中國經濟咁唔得，係短炒為主，暫時咪唔買囉，免得搞到想走貨時都走唔到，無啦啦壓住啲錢就無謂啦。」
開張天岸馬，奇逸人中龍，曾指A股是世上最安全及最民主的港交所（388）行政總裁李小加，會否再檢討香港將實行的市場波動調節機制？
密西比