如果話邊間電動車公司最出名，肯肯定非Tesla莫屬！不過佢亦都開始要面對競爭，連樂視有份投資嘅Faraday Future（FF或稱法拉第未來），都想做電動車同Tesla比拼。
FF最新發佈一款名為FFZERO1嘅「電動超級概念跑車」，望落就似電影《蝙蝠俠》入面嗰部「蝙蝠車」，車身極低，又具有流線型，一個字講晒就係型。
除咗睇得，仲跑得，架車號稱有1,000匹馬力，由靜止加速到100公里只需3秒，最高時速可以達到322公里，無論在外觀與規格上都全面跑贏Tesla。
不過話明係概念車，當然無得賣，公司預計2020年先至有真嘅電動車發售，大家至少仲要等多4年。