吳業坤昨日到商台接受訪問，回應爆冷奪得叱咤「我最喜愛的男歌手」後身價飆升，有傳出騷價加至六萬：「係有少少調整，接洽緊嘅工作冇咁快落實，應該要一、兩個月後先知。」坤哥大方承認在單親家庭長大，從小靠拿綜援的媽咪養大，現已不用再靠綜援，他笑說：「兒子生性，母倍感安慰，但我媽咪冇病。」他指之後會減少談論此話題，以免影響媽咪。
早前陳海琪先在facebook發文疑寸坤哥，但兩日後又上載合照，坤哥自言不會對號入座：「嗰張合照係文章出咗後先影，佢同我公司老闆補祝結婚，知我喺附近就搵我合照，佢都有叫我畀心機。」可感到被抽水？坤哥笑說：「佢又冇摸我！」
採訪、攝影：曹家誠