劉培基前晚在dbc數碼電台接受吳綺莉訪問，他說今次是最後一次公開紀念梅艷芳：「我已經有梅艷芳好多嘅愛，一張遺囑，當日匯豐畀我睇嘅遺囑我都嚇一跳，已經過去咗12年，唔想再喺公開場合做紀念，唔需要，太假喇，佢永遠喺我心裏面。」
對於有人建議為阿梅建紀念館，劉培基說：「係大家對佢嘅尊重，不過起一個紀念館，講全世界支持好容易，每件事係咪可行，要另外去分辨，政府會唔會批個地方，大家有熱血做，但最終又點負擔，你問我支唔支持，我真係唔識答。」提到遺物拍賣一事，他說：「你哋都知係邊個搞啦，我唔開名講啦，信託樣嘢另一件事，我同佛社、信託都唔想有呢啲事發生，其實呢件事好觸動人哋心靈，不過我麻木咗。」
採訪、攝影：張俊銘