中環PMQ元創方有租霸？PMQ今年中就開業兩周年，百幾間店舖租約就快到期，總幹事曾昭學話，大部份租戶都表明會續租，租金係按兩年前區內乙級寫字樓計算；由於計算後與當初租金相差只係一兩個百分點，決定凍租。佢透露幾個租戶或將不獲續約，其中一間欠租幾個月，「但睇番盤數，佢係賺到錢畀租㗎喎，但就係唔畀」。咁咪即係租霸？佢笑笑口話個租戶已經喺離開前畀晒所有租喇。曾昭學仲話租戶續約仍然需如新租戶般經過評核，「包括睇下佢過去兩年係咪認真做生意，會唔會鍾意就放假唔開門」。