手機叉電座都出過唔少，不過好似呢個咁，做埋USB 3.0分插兼出聲效者，的確唔多！
這部是新落場的ORICO USB 3.0多功能集線充電座，機身側邊有兩個紅色USB插電位，能分別提供5V/2.4A及5V/1A的電力輸出，所以可以同時為一部手機及平板電腦作叉電用途。
不過最方便之處，就係智能裝置一經接駁上這個底座後，就馬上接通機尾的4個USB 3.0分插，呢個時候你就可以接駁上Keyboard、Mouse及讀卡器一類周邊硬件；另外多功能集線充電座還內置有音效功能，所以你只要在機尾插上喇叭，咁就可以將簡單一部平板電腦或手機，化身為一部座枱式電腦一樣，對於現下好多人都為慳地方而唔買電腦者，的確帶來不少方便。機價為$188，不算太高，以專出USB產品的ORICO來說，算是入門級價錢。
查詢：展昇（深水埗黃金商場地面42至44號舖）
記者、攝影：朱崇德